Navotas

Navotas Fish Port Complex (2023 Update)

By Tin Gallemaso - 4:49:00 PM

 It's been 10 years since my first post about the largest fish port in the Philippines - Navotas Fish Port Complex. About time to update photos since a lot has changed since my first post and a lot of people are still sending me questions regarding this place. 


Navotas Fishport Post in 2013. 

Sorry na agad. Malabo at magulo kasi nahihiya ako mag picture kaya patago lang 'tong mga 'to. 😂😂😂

Walang fixed na presyo wala ring fixed na tinda dahil naka-depende lahat sa dinadalang produkto sa araw-araw. Usually, mataas ang presyo kapag hindi maganda ang panahon. Wala ring kahit anong frozen dito pero sigurado na mas mura kesa sa palengke dahil dito ang bagsakan ng mga seafood. Wala nga lang namimili masyado ng retail kaya hindi sila sanay magbenta ng mga kilo - talagang maramihan, meron kaming na-encounter na pinagsabihan pa kami dahil tatlong kilo lang binibili namin pero nagbenta pa rin naman siya. 😅 Kung konti lang naman at pang bahay lang bibilhin, mas okay ata sa Malabon Market na malapit lang naman dito. 


Pumupunta kami ng mga 7 AM - 8 AM. Hindi ko keri 'yung madaling araw kasi medyo magulo at nagmamadali lahat ng nasa paligid pero kung wholesaler ka o balak mo magbenta ng seafood e malamang doon sa madaling araw ka pupunta dahil mas marami pang tinda. 

Bale, tatlong area 'yung pinupuntahan namin. Halo 'tong pictures na 'to dahil ilang beses na rin kami bumalik, pinili ko na 'yung pinakamatino.

 Oo, sa lagay na 'to, matino pa 'yan. HAHA.


1. Meron ding isda dito pero dito mas maraming tinda na pusit, hipon, alimango at alimasag. Ito 'yung malapit doon sa lugar na una kong na-post nung 2013. 


Hindi ko alam kung anong mga isda 'yan. 


Bulungan ang paraan ng pagbili rito lalo na sa madaling araw kapag mga wholesalers ang bumibili. 


2. Ito ata 'yung mas bago. Dati merong talaba at tahong dito sa lugar na 'to kasi dito rin nililinis/binababa galing sa bangka pero wala na ngayon. Dito makakabili ng mga isdang madalas na inuulam sa bahay kagaya ng bangus, galunggong, dilis, at tilapia. 


Hindi talaga ko maalam sa mga isda. Siguro sa susunod na punta ko, aalalahanin kong nagb-blog nga pala ko. Baka sakaling mas maayos tas post ko ulit pagkatapos ng isang dekada. Nyahaha. 


Patuloy pa rin nilang ginagawa at pinalalaki 'tong port kaya kung makikita mo doon sa bandang likod ng picture e hindi na tubig dahil nire-reclaim pa nila 'yung katabi. 


3. Ito 'yung papunta sa mga tricycle/pedicab saka meron atang sakayan ng bangka dyan na nagb-byahe ng Navotas. Hindi ako sigurado at hindi rin ako nagtanong pero dito na nalipat 'yung mga nagtitinda ng tahong at talaba. Hindi kagaya ng Area 1, walang parking space na maayos (sa ngayon) ang Area 2 at 3. Dito banda sa kalsada kami nagp-park, medyo malayo nga lang na lakaran pero pwede ka naman magbayad ng porter kung marami kang binili para hindi na mahirap pabalik. 


Reminders: Isipin ko na lang may tulong. 

1. Wear proper outfit - hahahahhaahhahaha sa'kin pa talaga nang galing 'yung proper outfit - hindi ko alam kung ano 'yung proper pero at least magsuot ng footwear na hindi madulas o kahit mag boots ka na rin especially sa Area 1 at 2. Basa talaga 'yung sahig at lalo na pala sa Area 2, may area doon dati na lubog sa tubig/putik 'yung dadaanan. 

2. Magdala ng plastic/lalagyan ng bibilhin. Hindi nagbibigay ng plastic ang karamihan ng tindahan kaya kung ayaw mong hawakan lang 'yung mga bibilhin mo pauwi e magdala ka na lang ng plastic. haha! Meron naman nabibili pero hahanapin mo pa kung saan.

3. Lahat ng gamit mo pati buong katawan mo e maga-amoy dagat/ palengke ng isda. Doesn't matter kung gaano ka katagal dito dahil dumidikit talaga sa 'yung amoy. Kaya rin mas gusto namin bumili ng umaga para hindi alanganin sa oras ng ligo. 


Left photo at upper right ay kinuhanan sa magkaparehong lugar. Pero 'yun nga, 10 years ang pagitan. Wala ng bato ngayon. Semento na na 'yung area. 

Kung tatanungin mo ko kung bakit kailangan may "photoshoot" sa tuwing nagpupunta ko rito... bakit hindi? Pinost ko pa nga 'yan sa Instagram at kita mo naman, pinost ko rin dito. hahaha

Market Photos Here

White t-shirt at shorts pa rin ang gusto kong outfit - hindi na magbabago 'yan pero hindi kagaya nung nagi-isang beses kong punta nung 2013, e wala ng butas sa balikat 'yung damit ko ngayon. E, wala na nga ata akong damit na ganyan 'yung design ngayon. HAHA! Ayun na nga, bumili na rin ako ng boots kasi maputik at baha sa maraming lugar dyan sa complex. 





  • Share:

You Might Also Like

0 comments

    Follow on instagram